పసి మనస్సు..

ప్రసవ వేదన భరిస్తూనే

బాధగా రోదిస్తుంది అమ్మ..

సొమ్మసిల్లి ఉన్న తల్లిని చూసి

కెవ్వుమంటుంది -

భూమిపై పడ్డ శిశువు !

తన రక్తమాంసాలు ఇచ్చి

తనకో ఆకారాన్ని కూర్చి

కడుపులో కొన్నాళ్ళు దాచుకుని

మునుపు సృష్టిలో లేని కొత్త అందాలతో

తనను ఈ లోకం లోకి తెచ్చిన

మాతృమూర్తిని గాంచి

నీరసించి ఉన్న తల్లికి

నోరులేని నెత్తుటి కందు

సపర్యలు చేయలేక

కాళ్ళుచేతులు ఊపుతూ

కృతఙ్ఞతగా ఏడుస్తుంది

లేతగుండెల్లో దాగివున్న

తనదైన పసిమనస్సుతో !