కాలమొక ప్రవాహమైతే
చిరుచేపలా మారి ఎదురీదనా?!
ఆశ ఆకాశంలో వెన్నెలయితే
అందుకొనగా నిచ్చెనగా మారనా?!
మండే గుండెల జ్వాలలకు
శీతల జలాన్నై శాంతపరచనా?!
ఈ బ్రతుకుని ఎవరూహించని
మహాభాష్యంగా వ్రాసుకొందునా?!
ఎదలో మెదిలే భావసౌరభ సుమాన్ని
హృదంతర జ్వలన శిఖలలో
సుమకోమల దళాలను ఒక్కొక్కటిగా
ఆహుతి చేసుకోనా?!
ఎన్నినాడులు గడిచినా
చిట్టచివరికి తెలిమంచులా కరిగిపోయే -
ఒక స్వప్నం
చెదిరిపోయిందనుకోనా?!
ఒక స్వర్గం
తొలగిపోయిందనుకోనా?!
ఏం చేయను -
నేనేం చేయను?!