పుట్టినరోజు..

వెన్నెల లేదు, నేడు చల్లని గాలులు కూడా లేవు

ఈ ప్రాణం పోసిన తల్లి నీ జోలలు లేవు..

నవ్వులు లేవు, నన్ను మురిపించే పువ్వులు లేవు

నన్ను నవ్వించే నాన్నా, నీ ఈలలు లేవు..

అమ్మా! నాన్నా!!

నాతో ఈ పుట్టినరోజు నాడు మీరు లేరు..

తలని నిమిరే దీవెనలు, చిరునవ్వుల బహుమతులు

మమతలు నిండిన కౌగిళ్ళు, మనసును తలపించే ఆనందాలు

కరువైపోయిన ఈ రోజు -

నా కన్నీళ్ళే అక్షింతలు

మీ తలపులే పుట్టినరోజు కానుకలు..