ఏ రాగమదీ..
అంబర మందున
తంబుర శృతి లేకున్ననూ
గగన మందున
మెరుపులు తంత్రులై
ఉరుములు స్వరములై
మేఘం వీణగా మ్రోగినది !
మేఘవీణకు వాన తాళం వేసినది
ఆ వానకు వనమున వెదురెదిగినది
ఎదిగిన వెదురు వేణువైనది
వెదురు వేణువైన వైనము
నే వర్ణింపలేనిది !
వేణువులోన వాయువు లీనమైనది
కలపలోని వాయువే
వాయులీనమైనది..
ఈ వీణ వేణు వాయులీనములు పలుకునది -
ఏ రాగమదీ.. ఏం గానమది..!!
గిరిపై గల శిల ఇలపై టకటక పడినది
ఆ శిల వేగం
మృదంగ జతుల విధమున ఉన్నది
ఆ జతులకు సంగతులు వేయుచు
గగనం గానం చేసినది !
గగన గానమునకు
పుడమి పులకించినది
ఆ పులకింతకు అల ఆలపించినది
అల ఆలాపనకు నది నర్తించినది
నది నర్తనకు ప్రకృతి పరవశించి పాడినది -
ఏ రాగమదీ.. ఏం గానమది..!!
